2007年8月31日 星期五

怕羞草腳

快來看片吧!!!

張貼者： 於 沒有留言:
標籤：

2007年8月30日 星期四

冇得瞓

唉! 連續兩晚都冇覺好瞓，十一點幾十二點餵完餐奶，諗住可以上床瞓，點知小熙琳食完餐奶鬼咁精靈，郁手郁腳唔瞓，要陪佢唔瞓添。前晚要等到 5:00am 才可瞓，昨晚就好小小， 3:00am 便可以瞓，今晚唔知又要等到幾多點才可以瞓呢?
張貼者： 於 2 則留言:
標籤：

小熙琳話...

件衫真係好貼頸喎! 唔駛再打開個心口比人睇啦! 謝謝姨姨。
張貼者： 於 沒有留言:
標籤：

2007年8月24日 星期五

收信


嘩! 估唔到小熙琳會收到信件，不過要去郵局取..........原來係大隻仔表哥寄來的，有三件底衫，質料好，又貼頸，小熙琳唔駛再做日本藝妓 la，打出個心口，已經第一時間清洗了，好快就可以試穿 la ............姨姨真的好細心，小熙琳鍚鍚姨姨!!!!






張貼者： 於 2 則留言:
標籤：

2007年8月23日 星期四

兩溝B

小熙琳現在隨了吃母乳外，還多了吃奶粉，母乳雖然健康，但要做到全人奶BB，真的有些困難。我仍然會繼續努力，不過都要小熙琳幫忙。
張貼者： 於 沒有留言:
標籤：

2007年8月19日 星期日

冇覺好瞓

今日零晨兩點幾，小熙琳夠鐘食奶，有熙琳爸的幫忙，在半小時內便完成餵奶加換片，諗住可以早d瞓，點知小熙琳一放落床，便扎醒，神奇米袋都冇效，又要抱起小熙琳氹瞓覺，接著又放回床上，點知又醒，又要再抱起小熙琳，今次我沒有再放小熙琳落床了，一直抱住她，等她熟睡，熙琳爸早已瞓到霖晒，咁樣攪一攪便4:30am了，成功放小熙琳落床，但只休息半小時，又夠鐘餵下一餐奶了，攪到差不多七點，才成功令小熙琳瞓覺，我都終於可以瞓覺。
咁細個人仔(19日)，就識得要扭抱瞓覺，幾時先得黎大，點攪?
張貼者： 於 2 則留言:
標籤：

2007年8月17日 星期五

神奇...


真神奇...原本小熙琳瞓親覺都好唔定，好易扎醒，但現在一個米袋便能令小熙琳安睡，都唔好話古老湊仔方法冇用。
張貼者： 於 沒有留言:
標籤：

2007年8月16日 星期四

二趾長過公

其 實 二 趾 長 過 公 ， 即 代 表 個 人 獨 立 ， 有 搵 錢 能 力 ， 不 甘 平 凡 。 雖 然 不 是 唔 駛 做 便 有 錢 使 的 人 ， 但 總 該 不 愁 衣 食 的 。 二趾長過公，唔駛一世窮。聽聞蘇民峰曾在電視上講過，其實"二趾長過公"是表示這個人慾望較平常人高，正因為慾望高，這些人由早到晚都會非常用心工作，所以就會賺到很多財富，可以較別人住得好食得好，有較好的物質享受，所以應該是"唔駛一世窮"。而"唔死一世窮"之說，是因為有些人將原句讀得不準而變成的。
張貼者： 於 沒有留言:
標籤：

混亂

正當熙琳爸清潔便便後的小熙琳，換條乾淨的尿片，點知小熙琳繼續噴射便便，仲出晒界添，衫都有，清潔好，準備放條乾淨的尿片時，佢竟然痾尿，好彩有張膠墊，但係小熙琳件衫就整濕左少少，所以跟住又要換衫仔，本來小熙琳都好安靜，可能搞得耐左d啦，終於又開始發老脾囉，熙琳爸搞定晒後，連兩塊片，膠墊，濕紙巾，綿花等，足足三斤重，掉去垃圾筒！所以都係等小熙琳食完，等多陣先好幫佢換片片，咁就化算d！
張貼者： 於 沒有留言:
標籤：

2007年8月13日 星期一

似樣嗎?

小時候的熙琳爸和現在的小熙琳既樣係咪好似呢?
張貼者： 於 沒有留言:
標籤：

嚇一跳

禽晚，真俾小熙琳嚇左一跳，話說熙琳爸替小熙琳掃風，點知小熙琳嘔奶，口和鼻一齊噴奶，嚇到熙琳爸即時呆晒，唔知點算好，跟住重擔心到訓唔著添，驚死個女有事！
張貼者： 於 沒有留言:
標籤：

2007年8月12日 星期日

十二朝

今日是小熙琳的十二朝，很多親戚到來，還送上賀禮，樣樣都好實用，真開心。
張貼者： 於 沒有留言:
標籤：

2007年8月11日 星期六

第一個訪客


姨姨是第一個來家探望小熙琳的人，還有兩封大利是添，姨姨都好錫小熙琳，送了很多禮物給小熙琳。
張貼者： 於 2 則留言:
標籤：

美國來的禮物



今天收到爺爺、麻麻由美國空運寄來的包裹，裏面全是小熙琳的衫，可以由現在著到一歲。
張貼者： 於 沒有留言:
標籤：

2007年8月10日 星期五

英文名

小熙琳的英文名 Celine 是由美國的爺爺、麻麻改的，是一個法文名字，由熙琳的普通話發音得出來的。
張貼者： 於 沒有留言:
標籤：

2007年8月9日 星期四

凸肚臍


小熙琳的臍帶終於甩了，今天剛好到健康院檢查，姑娘看過話甩得幾好，沒有息肉。今日磅重有 3.02kg. 又重了。

今日到健康院檢查時，當我抱著小熙琳的時候，她不斷的喊，不收聲，越喊越大聲，直至熙琳爸抱著她時，她便安靜的入睡，真激氣!
張貼者： 於 沒有留言:
標籤：

Kiros 媽話 ...



Kiros 媽話小表妹瘦猛猛，條尿片都包唔磡，要食多些嘢至得。而婆婆話熙琳手指長長，長大後起碼有 6呎高，所以佢要做 model, 要keep fit.
張貼者： 於 2 則留言:
標籤：

第一次去街街

7/8/2007 熙琳第一次出街，到健康院檢查黃疸，姑娘還教我們怎樣洗磁帶，檢查後有少少黃，但又未至於要入院照燈，她重了 0.03kg. 姑娘話預佢會收水，理應比出世時輕些，但反而重了，都唔錯喎! 今次出門有公公、婆婆、熙琳爸和熙琳媽護送到健康院，婆婆話公公是第一次到健康院，公公從未陪我們四姊弟去過健康院，可知小熙琳的魔力幾大!
張貼者： 於 沒有留言:
標籤：

2007年8月8日 星期三

出院


4/8/2007 終於可以出院了，熙琳爸準時 2:30 來接我們，我們雞手鴨腳地替她更換了衣服。那天是熙琳爸第一次親手抱起小熙琳，看見他開心的樣子，感覺很溫馨。
張貼者： 於 沒有留言:
標籤：

小熙琳出世啦


小熙琳終於在 1/8/2007 同大家見面了。那天陣痛了大半天，6:30 分被送入產房，到了晚上 10:30 分，重 2.91kg 的小熙琳終於出世了。期間經歷的痛楚，永世難忘，做母親真的不易啊！

休息了 12 小時後，終於可以下床了，在 BB 房門外等候領回小熙琳的時候，看見她安靜地睡房內，真想快些看看她的樣子。看見她的時候，真的很感動。
張貼者： 於 沒有留言:
標籤：
訂閱： 文章 (Atom)