進步了

一晚轉變真大，昨晚小熙琳只可側身(下半身)，但今晚小熙琳已可順利反轉身，她現在反身反得好純熟，替她換片時，就麻煩得多，因為她會反來反去，大家快來看看小熙琳的進步。

今天的發現

今天替小熙琳換片時，除了她的片片後，她竟可順利地側身，始終她上身都着了外套，令到她不能順利地轉身，看見她的雙腳不斷扭動，都幾攪笑。

小熙琳食蘋果，有一個新食法，她懂得利用自己條利，頂住d蘋果泥，唔比佢入口，然後用嘴啜d蘋果汁，實行自製蘋果汁，咁樣食法都幾新奇。

星期六有好節目

今天是星期六，小熙琳節目多蘿蘿，小熙琳食了糊仔差不多都有兩星期了，今天給了她一個新嘗試，就係食蘋果泥，初初她都有張開口，但係都係未識食，後來仲食到嘔添，攪到眼都紅埋。

接著，我們又出發到鍵朗表哥屋企玩，在整個車程中，小熙琳不斷唱歌仔哄自己瞓覺，差不多落車才能哄到自己瞓覺，去到姨姨屋企，剛巧鍵朗表哥睡醒，鍵朗表哥唔知係咪知道小熙琳瞓左，即刻起身讓張床給小熙琳瞓，依一覺小熙琳都瞓得幾冧架。


將鍵朗表哥和小熙琳拼埋一切，他們的高度只不過相差半個頭，小熙琳似熙琳爸一樣生得咁高。

鍵朗表哥有意無意之間，又將手指放在小熙琳的口中。


小熙琳整個下午都很努力玩這個玩具，仲好乖添，冇扭計。


到了鍵朗表哥食粥仔時間，姨姨畢了一小...小...小羹，給小熙琳試食，小熙琳都好似接受到，今餐表哥食既係波菜瘦肉粥，表哥看見姨姨餵小熙琳食粥仔，竟然有些呷醋。

最後，花姨姨送給小熙琳一個布琴，睇吓小熙琳玩得幾開心。

19-1-2008 相片集

五個半月大的小熙琳

小熙琳越來越得意(唔喊果時喎)，公公仲話每個禮拜見小熙琳都唔同樣，現在......
(1) 小熙琳每天都好多嘢講，好多聲氣，未出牙仔都已經有好多口水，正一口水多過茶，契媽仲話縉軒哥哥細個時，都冇咁多聲氣。
(2) 小熙琳硬淨左好多，坐係到時定咗好多，冇咁左搖右擺，不過仲未識扒，可能冬天著得太多衫的關係。
(3) 這幾天小熙琳開始注意我，她的小眼睛會追著我，望住我所做的每一樣事情，注意我的一舉一動；事例一，當小熙琳由其他人抱住，而小熙琳又想我抱抱的事後，她採用的方法緊係喊啦，仲喊到拆天咁望住你，當我望住佢時，佢會即刻變面，整個可愛笑容出來，不過佢都會一直喊到你出手抱佢才收聲。事例二，每當我望住小熙琳，她都會給我一個笑容。事件三，有次放工後和同事吃飯，十點半才回家，小熙琳已瞓，熙琳爸告訴我小熙琳整晚搵我，佢話無論任何人(包括熙琳爸)抱拒都唔得，係咁扭計。哈...哈...終於都輪到小熙琳親我，熙琳爸都唔恨得咁多啦!

第一次學習

小熙琳開始學食糊仔，第一次接觸奶奶以外的食物，可能未能適應，有些扁嘴，不過小熙琳都好快適應起來，第二次試食時，佢已經搶住食，食得津津有味

病病

小熙琳這幾天都有些鼻水，今日一早帶她睇醫生，希望醫生幫忙早日趕走鼻涕蟲，醫生話很小事，普通傷風感冒，可能D藥好好味，小熙琳食完，佢仲想要食。

充實的一天

因為天氣寒冷，小熙琳足不出戶已一星期了，正好昨天天氣和暖了好多，可以出外走走，通常小朋友在車上理應特別好瞓，但點知小熙琳全程都眼碌碌四圍望，可能因為好耐冇去街街，又可能第一次塔長途巴士，好興奮。

小熙琳開始要學食糊仔，跟住要學食粥仔，為了要她坐定定，所以特別為她去了 chicco 買了一張 BB櫈，張櫈有7個高度選擇、可瞓低飲奶奶或坐直食蚊蚊，張櫈仲可以跟住佢不同的需要而變身，起碼坐到3-4歲，個sales姐姐介紹完後，覺得好啱小熙琳，於是便買下，下星期三便可送貨。張櫈原價$1798，折實後都要$1488，熙琳爸話一張櫈都要千幾蚊咁貴，有D肉痛，不過佢話唔緊要，佢會更努力搵錢給小熙琳。

買完櫈，便去了鍵朗表哥屋企玩，姨姨播放了一隻vcd，小熙琳睇到眼定定，而鍵朗表哥就睇到拍手大叫，睇得咁開心，等我又去買隻給小熙琳係屋企睇。

襯住太陽伯伯還未收工，便帶同鍵朗表哥和小熙琳到公園玩，小熙琳緊係要坐鍵朗表哥的私家車啦，鍵朗表哥唯有讓讓小表妹，用腳仔行路。

小熙琳戴了依頂帽好似廚房女工，姨姨於是在鍵朗表哥的衣櫃中，找了一頂表哥已不啱戴的帽送給小熙琳，原來這頂帽是菊姨姨買比鍵朗表哥，展轉又傳到小熙琳手中，小熙琳戴了這頂帽，的確 smart左，唔再做廚房女工啦!

元旦日

昨晚，諗住試吓幫小熙琳介夜奶，但不成功，熙琳爸開了兩次奶奶給他，佢都唔肯食，只肯食媽媽奶，但小熙琳每次都嘈嘈，另熙琳爸冇覺好瞓。今天小熙琳晨早六點便醒，自己係到唱歌仔，為免嘈醒熙琳爸，冇精神番工搵錢比小熙琳駛，於是便同小熙琳出廳坐，蝦...點知小熙琳開大，我都即刻抱佢坐直，但點知都一身係，好奇怪喎，今次D便便唔係背脊，而在前面個肚上面，今次唔沖涼都唔得啦，晨早氣溫只得8度，仲要幫佢除衫沖涼，真係要快手快腳，件底衫和公公買既面衫都係第一次著，都有便便，今次好彩洗得甩。

玩口水

小熙琳現在識玩口水，有人話如果bb識這樣玩口水，咁就會落雨，現在天氣咁凍，落埋雨會仲凍，大家記得著多件衫和打把遮。