沙灘

剛過去的星期日，相約了鍵朗、藍藍一齊去沙灘玩，小朋友真係一日一日唔同，上次去沙灘時，小熙琳乜都驚，但今次就唔同有大躍進，初時她到岸邊，都唔敢企在水上，但試多幾次，她便夠膽企在沙灘上玩水；上次連沙灘席都唔敢坐，但今次竟然就咁一個屁股坐在沙上。我今次又笨左，我估唔到小熙琳會夠膽玩水，我應同佢除左條片片，著番件泳衣，咁佢就玩得舒服些，唔駛佢條片片索晒水又咁重。

玩了一陣，又係回程的時候，我們幾個大人，忙於為佢地沖身、執玩具，攪了一大輪終於可出發到婆婆家，首先當然要餵飽幾個大人物，在來一張大合照。他們三個小朋友，玩得好開心，小熙琳係咁攬住表哥仔，熙琳爸看了都不知幾羨慕。

玩沙

沙灘玩水

小熙琳與鍵朗表哥 (Part I)

小熙琳與鍵朗表哥 (Part II)

小熙琳與鍵朗表哥 (Part III)

中秋節

今天中秋節，早上約了藍藍到沙灘，小熙琳到沙灘完全唔肯落地，著住鞋仔都唔敢企在沙灘上，可能d沙的質地怪怪，佢驚驚啦! 諗住讓她坐在沙灘席上，點知佢又唔敢坐，唯有坐在我大肶上玩沙，天氣真的很熱，我們玩了一小時到，便沖身離去，可能小熙琳未有小睡，所以在回家的途中她已倦極入睡，今次真係笨，沒有推小熙琳架私家車，唯有抱住個大蕃薯行番屋企，都幾重架。

睇吓小熙琳瞓得幾冧!!

迎月 2008

第一次餵魚魚，看了藍藍表姨餵了一陣魚魚，也給小熙琳試試，初初以為她會放落自己的嘴巴，但出奇地她竟懂得好似藍藍表姨咁張D魚糧，放在池中，咁樣都幾好，可以成機練吓手指頭的靈活性。

藍藍 Birthday Party

今天三點去了參加藍藍的生日會，唔知小熙琳係咪知道有得玩，於是自己將早上和下午的兩個小睡，濃縮為一個，她11點開始瞓，瞓到兩點幾才起身食佢既午餐粥仔。




我們首先到公園玩玩，三個小朋友各自有自己喜歡的活動，一時這樣，一時果樣，點到我們大人氹氹轉。



後來，我們將他們放在櫈上，想來張大合照，但他們動作實在太快，很快便只得一張空櫈，而捕捉的唯一一張相片，竟然對唔到焦，不過都算照收貨，想影他們的大合照真的相當困難。


大家都玩得很開心，但也很污糟，兼且一身大汗，唯有在藍藍家洗白白，換番套衫，舒服吓。藍藍和小熙琳一起淋浴期間，小熙琳不斷說：「你曳曳....你曳曳」，攪到藍藍扁晒咀話自己都冇曳曳，唯有解釋給藍藍知，小熙琳只係懂得說此句話，請她原諒她。

藍藍家有很多玩具，十足小型幼稚園一樣，個個小朋友都能找到自己的樂趣，玩得很開心。