毒蚊

前天 放工回家，看見熙琳左邊面頰多了一粒蚊 "爛"，隻蚊咁衰咬熙琳塊面，攪到熙琳鬼咁肉酸.......

昨天 放工回家，開門入屋，熙琳走過來叫我，我一看見熙琳簡直嚇了一跳，她的左邊面腫起來，好似比人打到變了豬頭咁，由面豬 "燈" 到左眼都極腫脹，隻眼腫到得番一半，鴛鴦眼，初時還以為她撞倒，但原來是那粒蚊 "爛" 在擴散，咁誇張，我從來都未見過，好.......好......好......醜樣，我沒有拍照，因為實在太醜樣，大家自己幻想吧! 我即時帶佢去睇醫生，醫生話應該係昆蟲咬，多數係蚊，醫生用電桶照照隻眼，佢話隻眼冇紅咁即係冇乜大礙，粒蚊 "爛" 有些發炎，所以會這樣，他叫我模左邊面頰，好實和右邊不同，不過他話小問題，會慢慢退，他開了一些抗敏藥和藥膏給熙琳........

今天 放工回家，看見熙琳好番些，但仍然大細眼和有些腫，不過已經冇昨天咁樣衰了.......

(原來我同事個女都試過比蚊咬，然後又係腫咗，去睇急症，醫生要求入院觀察，住了兩天，因為佢被咬的部位是頸部，醫生可能驚有其他拼發症，真的唔好睇小一粒小小的蚊 "爛")

吱吱喳喳

今天在公司，第一次和熙琳通電話，熙琳爸在家用handfree給熙琳和我傾計，雖然只是短短的通話過程，但實在另人太興奮，她在全無大人在身邊教路，也能懂得簡單的和我對答。

熙琳媽：「熙琳…熙琳」
熙琳 ：「媽咪…媽咪」
熙琳媽：「食咗包包未?」
熙琳 ：「食咗」
熙琳媽：「好唔好食?」
熙琳 ：「好食」
熙琳媽：「有冇V V (尿尿) ?」
熙琳 ：「冇 V V」
熙琳媽：「咁你去覺覺豬未」
熙琳 ：「……」



二十二個月大的熙琳，平時在家都很多嘢講，識得用簡短句子，表達她的心意，例如：「爸爸借借先」...... 「媽咪 sit 依到」...... 「比我啦」......「媽咪覺覺豬」...... 「媽咪渣住，跌咗冇呀」......有時讚熙琳乖，熙琳會講「乖女」.....

近排熙琳每日都會最少一次，同我講一大堆人物，唔知點解，但她一定會由姨婆講起，「姨婆、丈公、姨丈、藍藍、公公、婆婆」

又有一次，熙琳爸問熙琳可唔可以比個大脾佢咬啖，熙琳即時說：「唔好呀」，熙琳爸再問一次，她竟向爸爸說：「走呀」熙琳爸不知好嬲還是好笑，爸爸向熙琳說：「爸爸走呀，唔番來」，熙琳的回應竟然是「bye bye」，這樣趕熙琳爸走，真攪笑。