新體驗

五一勞動節，放假一天不用工作，但仍然要去勞動，陪女女去街街，今天我們便去了屯門騎術學校，以前時常到的地方，自從菊姨姨沒有在那裏工作，已經沒有再去過了。

一入到去，剛好有幾隻馬仔在圍欄內，可以近距離接觸，藍藍都很大胆，在地上執草草給小馬吃，小馬好似好肚餓，係咁等食草，佢地都好純，好乖。

至於小熙琳，佢平時只是在書本中認識馬馬，但今天可以親身看見，她全程眼碌碌望住d馬仔，始終可能是第一次見面，佢可能覺得奇怪，平時在家四隻腳，週圍行的寶寶，和現在她所看到的馬仔全不一樣。

難得來到，當然要和小馬拍照留念，於是抱起小熙琳尋找拍攝對象，剛好有隻小馬行近圍欄邊，於是快步走埋去，可惜這張相的小熙琳和小馬都沒有望鏡頭，小熙琳被小馬吸引著，而小馬則被.......藍藍吸引著

幸好，都影了一張似樣的，無論企幾耐，小熙琳仍是望實小馬。

後來，有幾滴雨，不是太大，於是替小熙琳整了頂帽，檔檔雨。

這裏是馬房，有些臭，所以很快抱小熙琳影完相便要出番去，我們大家都做了閒人，因為這地方是閒人免進的，都被人趕架，不過我們都已經影了些相。

住在碼頭，都竟然沒有留意新開了一間甜品店，那裏的豆腐花真的好味又好滑，新鮮即撞，真的不錯，第日等小熙琳大些，可以吃的時候，一定要帶她來試試。

食完甜品，我們再到公園打鞦韆，小熙琳一樣玩得咁開心。後來，雨下得越來越大，唯有徹退到婆婆家。其實，小熙琳應該肚仔餓，完全過了鐘，但佢都沒有喊叫，到了婆婆家，足足遲了45分鐘，可能肚仔餓，食粥仔都食得好正經。

原來小熙琳和表哥的腳板是差不多大，表哥大小小，本來想影一張比較腳仔的相片，可惜兩位小主角都不合作，只可影到一張這樣的相片。

一段小插曲，小熙琳和表哥坐在膠席上覺自覺地玩玩具，後來小熙琳樸埋去表哥到，鍚了表哥一啖，姨姨很驚訝，但當小熙琳再一次控埋表哥到時，表哥竟然一掌推開小熙琳塊面，唔比她接近。表哥仔竟然咁唔識貨。

前陣子，姨姨替表哥在 Jshopping ( http://www.jshoppers.com/index-ch.asp ) 訂衫仔，於是答單幫小熙琳也訂了， 不過尺碼剛剛好，應該再買大一碼，可能小熙琳實在太高啦，d褲好似好短左少少。

P.S. 今天，在馬場拍的相片，絕大部份都是誼姐姐拍的，第一次用這些單鏡反光相機的她，真的拍得不錯。 (相片已更新)

打鞦韆的小熙琳

大家快來看看小熙琳打鞦韆吧! 睇完後記得去相片集睇埋當日影的相片啊!

還有舅公、舅婆影的相，大家唔厭棄睇得太多，可以再去睇。

http://picasaweb.google.com.tw/yin33shan/2442008NewPhoto?authkey=CJLBmR3Dd80

開心時刻

買了新相機都差不多有兩星期了，都未正識帶小熙琳去影相，於是乎趁今天得閒，便約埋公公、婆婆、舅婆、舅公，還有藍藍一齊到附近公園影相，可惜太陽伯伯唔得閒，所以d相片少了他的一份兒。

我們去到公園，藍藍率先去打鞦韆，她玩了一陣，便讓給小熙琳玩，小熙琳第一次玩，初初都怕她驚，但後來發現她食了豹子胆，勁大胆，仲玩到架架聲笑添。 (遲些會upload片段)

小熙琳細個加上又第一次玩，個個都幫忙，睇吓藍藍都有幫手，藍藍初初都有陪著小熙琳，企在她身邊扶住個鞦韆，又教小熙琳捉住個鞦韆，真係有大姐姐典範。

如果唔係舅母帶路，我都唔知到附近有個大草地，小朋友加草地真是影靚相的最佳配搭。藍藍初初攬住小熙琳坐在草地上合照，但後來小熙琳有些扭，唔肯坐，週身郁，只看見藍藍一面無奈地攬實小熙琳不放。

小熙琳正經時，都會和藍藍溝通、溝通。

還主動錫鍚藍藍，幾溫馨。

跟住小熙琳要進行世界探索，伸手去摸摸草地，不過她手一摸便縮回，可能係第一次摸，感覺怪怪的，都係一樣藍藍拼命拉住小熙琳，藍藍長大了，識得照顧小熙琳，都不愧為大姐姐。

唔知還有幾耐小熙琳才可以好似藍藍咁在草地上跑步。

在這短短兩個幾小時的影相過程，小熙琳都是頂硬上，佢其實係好眼瞓，後來都真的撐不住，要睡一睡，藍藍話要送小熙琳回家，仲親手推bb車，推了一陣又停下看看小熙琳有冇醒，冇醒又繼續堆，直至到屋企樓下。

五天工作真的不錯!

自從有了小熙琳後，好多時逛街都會特別留意BB衫，今日星期六得閒，四處逛逛，諗住睇吓有冇嘢啱買，去了UNIQLO睇吓，可惜冇衫啱小熙琳。我同事Carol前幾天告訴我，荃灣有到買BB衫好平10元有交易，於是由尖沙咀轉移陣地到荃灣，去到真的發現十元有交易，質料、款式都不差，可惜尺碼太細，多數是零至三個月，我只係搵到兩條褲仔給小熙琳，不過，都有其他啱小熙琳尺碼的，價錢都只不過係廿幾蚊，於是乎替小熙琳入了些貨。

我做姨媽的，都有掛住表哥仔架，係尖沙咀逛街時，都買了件衫比佢。

8個半月的小熙琳

又係時候分享小熙琳的成長....

1) 8個半月的小熙琳身高約70cm，體重約18磅，開始有些頭髮，右眼大過左眼，兼且擁有18吋小蠻腰和13吋長美腿。
2) 識得自己飲水，由細到大都很喜歡飲水，可以一口氣飲晒杯水，有時怕她飲得太多，飽得濟，次次都要同佢鬥搶個杯，佢搶輸左又喊，所以現在個杯不會裝 太多水，等佢飲完就算。


3) 小熙琳最喜歡扶住床邊企在床上，可能佢雙腳仔有些份量，攪到張床褥扁晒，有床褥同冇床褥都冇乜分別，原來佢晚晚都係瞓緊木板咁可憐，於是乎即刻同佢落order訂番張床褥比佢。

4) 已經有兩隻小牙仔同大家見面啦。

5) 不經不覺小熙琳已學識爬爬了，如果有目標更會爬得起勁些。

6) 勁喜歡洗白白，喜歡玩水，每天洗白白的時間，小熙琳都很開心，但係上水那一刻就很麻煩......喊到拆天都唔識收聲。

7) 經過這8個月的觀察與學習，小熙琳自己已經揣摩到，怎樣做一個刁蠻公主了，每蓬得唔到她想要的東西，她便會喊、便會扭，直至得到為止。

8) 小熙琳肚裏有一個鐘，超準時!每晚9:00便要食奶奶瞓覺覺豬，到第二朝大概6點半起床唱歌仔，日日如是，全屋最早瞓的係小熙琳，最早起床都係小熙琳，當然我都會奉陪到底，不過小熙琳都唔係一覺瞓到大天光，通常半夜都會醒，有時當我睜開眼會看見她成個坐起身，有時看見她扶住床欄企係到望住我，有時好快便瞓得番，有時等成個鐘都仲眼仔碌碌，咁我都會陪佢眼仔碌碌，我的睡眠時間完全受到小熙琳所控制。

9) 小熙琳唔識甚麼叫錫錫，叫佢鍚鍚，佢唔識做，但有時她會突然用 "o" 型嘴啜我塊面，當然加送一堆口水，有次佢啜我塊面，我又啜番佢，佢又好肉緊出動 "o" 型嘴啜番我，大家來來回回幾次，都好得意，不過就成面口水。

下次見

爺爺、嫲嫲已回美國了，雖然小熙琳和爺爺、嫲嫲是首次見面，但在這短短的相處時間裏，小熙琳都冇怯場，都幾好，當下次再見面的時候，相信小熙琳已識行，說不定還會說聲：『爺爺、嫲嫲』

打敗仗

昨晚，發現小熙琳額頭仔有些慶慶地，於是乎替她吉下law友仔，38.9度都幾高，立刻餵她食退燒藥，小熙琳自出世以來第一次發燒，無論她打針或是出牙仔，她都從未試過發燒，真有些擔心自己處理不好。今日，請了半天假，帶小熙琳睇徐醫生，經過徐醫生的細心檢查，得知小熙琳有些少喉嚨發炎，可能因為咁而發燒，她還有幾聲咳。不過，小熙琳精神都不錯，都肯食粥、飲奶、飲水，熙琳BB要加油呀! 快d好番。