星期四晨早六點半，熙琳便睜開眼睛，第一句說話就係問我有冇落雨，並叫我開新聞台看看天氣報告。台頭望天，整天都是灰黑的雲，街上全濕並下著雨，天氣真係唔係咁好，雷暴警告還正生效到7:30am，天氣預測：大 致多雲及有驟雨， 初時有幾陣狂風雷暴，稍後雨勢減弱。這樣天氣去廸士尼真係有些掃興，解釋給熙琳聽，熙琳很唔開心、唔出聲，走番上床搵張被蓋著頭，愛女心切的熙琳爸話難得放假又應承了個女，落大雨都照去，最多著雨褸、著水鞋，熙琳聽到爸爸的決定，即時開心番晒，變回開籠雀吱吱喳喳。
在去廸士尼的途中，時刻都有一些驟雨，但來到廸士尼，整個天空都是藍天與白雲，上天都幫熙琳，給她一個很好的天氣。
排隊差不多要一小時，才能與Mickey 和 Minnie見面，他們一齊錫錫熙琳。
閃電王 麥坤
近來熙琳迷上公主故事，一早已講好要同王子影相，佢鐘意王子喎! 一進入樂園，已不斷問公主呢? 我們唯有先進入睡公主城堡，找尋公主的影踪，先達成她小小的心願。
公主還有半小時才出現，天氣很熱，熙琳爸讓我帶熙琳到商店逛逛嘆冷氣，他自己先排住隊，看見熙琳爸真辛苦，全面都是汗，還排第一，都是為了他的愛女。
公主們駕到…
白雪公主問熙琳的名字，熙琳話比佢聽Celine.
熙琳話自己最鐘意王子，現在王子拖住她的小手，相信她會十分開心。
另一個熙琳鐘意的公主故事「灰姑娘」，她都很喜歡主角Cinderella，熙琳仿似一個小粉絲看見偶像一樣，超緊張。
兩個公主同時一齊錫熙琳，攪到熙琳左右兩邊面頰都有紅唇印。
坐定定等睇巡遊，天氣真係好熱，熱到熔咁濟。
適蓬廸士尼五周年，巡遊和以往都有些不同。
中午時間，終於可以停下來休息一陣，熙琳最喜愛的奶黃包，都有米老鼠標記。
「巴斯光年星際歷險」，熙琳好鐘意玩，玩了兩次話仲要玩。
熙琳的軍階是太空偵察兵，我是一級戰士，熙琳爸是行星機師。
「馳車天地」任何時候都要排60分鐘，真係唔係好想玩，但熙琳想玩，唯有排隊去，真係排了60分鐘，但幾分鐘便玩完。熙琳和熙琳爸一架車，我自己一架車，我比他們先出發，熙琳控制呔盤，熙琳爸控制油門，差不多玩完，要停下來逐架車等入站。熙琳竟然踏盡油門撞埋來，好似碰碰車。問熙琳爸熙琳手車怎麼樣? 熙琳爸的反應是唔掂，撞來撞去，但熙琳很興奮的講述她的駕駛經驗。
「小小世界」
今天熙琳玩到很攰，又冇得午睡，不過有熙琳爸在熙琳可以唔駛行，真好。
「灰姑娘旋轉木馬」
我們今天不斷在睡公主城堡穿梭，一時到明日世界，一時到幻想世界。
晚飯時間到了，又可停下來，熙琳今天不斷主動向廸士尼的職員打招呼，而換取番來的貼紙，對一個貼紙怪來講，一次過收集那麼多貼紙，既興奮又開心。
我們今天不斷在睡公主城堡穿梭，一時到明日世界，一時到幻想世界。
晚飯時間到了，又可停下來，熙琳今天不斷主動向廸士尼的職員打招呼，而換取番來的貼紙，對一個貼紙怪來講，一次過收集那麼多貼紙，既興奮又開心。
我們的小小小收獲。
食完飯等睇煙花，今天的煙花匯演9:00才開始，熙琳今天沒有午睡，兼且玩了一整天，加上晨早起床，她真的很攰，不斷要同佢講嘢，等佢唔好瞓著，煙花很靚，閃吓閃吓，她只是微笑一吓，她有時睇睇吓都差些想瞓著，不斷要同她嘩! 嘩! 嘩!
今次我和熙琳買了「奇妙處處通」，一年內可以在指定日子無限次入場，可以抽時間再去，熙琳都話想再來，佢都識話仲有好多嘢未玩。雖然我都來了好幾次，但我都係有好多嘢從未玩過，如小飛象、動畫藝術教室、幸會史廸仔、咖啡杯、米奇金奬音樂劇……。而熙琳又話再來的時候，要再玩巴斯光年和馳車天地，兼且佢話最好日日來。
今次我和熙琳買了「奇妙處處通」，一年內可以在指定日子無限次入場，可以抽時間再去，熙琳都話想再來，佢都識話仲有好多嘢未玩。雖然我都來了好幾次，但我都係有好多嘢從未玩過，如小飛象、動畫藝術教室、幸會史廸仔、咖啡杯、米奇金奬音樂劇……。而熙琳又話再來的時候，要再玩巴斯光年和馳車天地，兼且佢話最好日日來。
最後總結：雖然今天勁熱，但看見熙琳今天玩得這麼開心，都值得。
