怕羞草腳

快來看片吧!!!

冇得瞓

唉! 連續兩晚都冇覺好瞓，十一點幾十二點餵完餐奶，諗住可以上床瞓，點知小熙琳食完餐奶鬼咁精靈，郁手郁腳唔瞓，要陪佢唔瞓添。前晚要等到 5:00am 才可瞓，昨晚就好小小， 3:00am 便可以瞓，今晚唔知又要等到幾多點才可以瞓呢?

小熙琳話...

件衫真係好貼頸喎! 唔駛再打開個心口比人睇啦! 謝謝姨姨。

收信

嘩! 估唔到小熙琳會收到信件，不過要去郵局取..........原來係大隻仔表哥寄來的，有三件底衫，質料好，又貼頸，小熙琳唔駛再做日本藝妓 la，打出個心口，已經第一時間清洗了，好快就可以試穿 la ............姨姨真的好細心，小熙琳鍚鍚姨姨!!!!

兩溝B

小熙琳現在隨了吃母乳外，還多了吃奶粉，母乳雖然健康，但要做到全人奶BB，真的有些困難。我仍然會繼續努力，不過都要小熙琳幫忙。

冇覺好瞓

今日零晨兩點幾，小熙琳夠鐘食奶，有熙琳爸的幫忙，在半小時內便完成餵奶加換片，諗住可以早d瞓，點知小熙琳一放落床，便扎醒，神奇米袋都冇效，又要抱起小熙琳氹瞓覺，接著又放回床上，點知又醒，又要再抱起小熙琳，今次我沒有再放小熙琳落床了，一直抱住她，等她熟睡，熙琳爸早已瞓到霖晒，咁樣攪一攪便4:30am了，成功放小熙琳落床，但只休息半小時，又夠鐘餵下一餐奶了，攪到差不多七點，才成功令小熙琳瞓覺，我都終於可以瞓覺。

咁細個人仔(19日)，就識得要扭抱瞓覺，幾時先得黎大，點攪?

神奇...

真神奇...原本小熙琳瞓親覺都好唔定，好易扎醒，但現在一個米袋便能令小熙琳安睡，都唔好話古老湊仔方法冇用。