忽然細膽

下了差不多兩星期雨，今天終於可以見到太陽了。

酷熱天氣警告也生效，於是今天的小熙琳的戶外活動，便到沙灘散步。

有婆婆擔 (姐)，公公抱抱，小熙琳都幾嘆喎!

小熙琳唔肯落地行，識得要抱抱。

多多動作的小熙琳

小熙琳忽然細膽，唔敢張雙腳放在水中，又唔敢落在沙上，係都要公公抱抱。

快來看吧!

終於有相睇啦! 間studio都唔錯，整埋個網上相簿，好讓我能給大家分享一下，小熙琳努力的成果，仲有歌仔配樂添。

http://www.studio123.hk/onlinealbum/2008-06-17/cailne.html

辛苦la 小熙琳

通常而家d媽咪都鐘意帶bb去studio影輯靚相留念，我也不例外，今天帶了小熙琳到studio影相，平時的小熙琳活潑到爆登，笑容滿面，心想要影輯靚相應該不難，可昔事與願違。今日的小熙琳狀態麻麻地，可能小熙琳自己一人坐在布景裏，看見旁邊的人不斷we we wa wa引佢發笑，有些驚，很多時都不肯坐低，攬到我實一實，從未見過她喊得咁淒涼，每一輯相都是因為喊到拆天而終結，所以幾經辛苦才完成4個造型，我們只影到108張相。

造型1 --- 可愛的士多啤利

小熙琳不喜歡頭頂帶東西，時常蚊低個士多啤利粒定，攪到有些相唔似粒士多啤利。

造型2 --- 驕俏的女護士

幸好小熙琳都合作，沒有蚊下護士帽，否則似個病人look多個似個護士。

造型3 --- 愛哭的小天使

這輯相是最多眼淚、鼻涕的一輯，可能小model有些疲倦的關係啦!

造型4 --- ？？的小魔鬼

抱小熙琳入布景時，原全不肯坐低，攬實我不肯放，不斷喊，真的太疲倦和眼瞓了，我們要出動餅餅，才能完成這個造型。

影到最後的小魔鬼，小熙琳完全不受控制，不停地喊，因為佢好眼瞓，於是咩住佢離開studio，一出studio門口佢已經收聲了，落到街，仲四處望，無幾耐仲瞓著埋，我們食完嘢番去睇相時，小熙琳剛醒來，恰好趕得及看看自己辛苦得來的成果，那時的小熙琳都不知幾精靈，還引ｄ攝影哥哥笑添。

（等影樓整好個網上相簿，大家便可看看小熙琳辛苦得來的成果）

超高難度

因為想遲些帶小熙琳回湯坑，看看我亞嫲，即係小熙琳的太婆，亞嫲年紀大了，唔係見得幾多次，所以要替小熙琳申辦特區護照、回鄉咭，首先要影証件相。昨天，帶小熙琳到快圖美影相，一個bb要影這些正經的証件相，真係超高難度，她原全不受控制，又怕她會跌下，要蹲下來扶住他，又要引她望鏡頭，小熙琳一時手舞足蹈、一時搖身搖細、一時大叫、一時身體轉左轉右、一係斬左眼、一係冇望鏡頭，影了很久很久，應該都有半小時以上，影了十幾廿張相，才勉強選了以下的一張相片，不過都有小小唔正面，希望ok，不用再影過啦！不過都好多謝快圖美的姐姐很耐心的替小熙琳影相。

超市之旅

自小熙琳長大後，都很少帶她到超級市場，因為又要買嘢，又要睇住佢，都幾麻煩。剛好，今天是熙琳爸的假期，我們便帶同小熙琳到超級市場去掃貨。
小熙琳沿途四處張望，而熙琳爸則做了一個超級嚮導，每樣東西都給小熙琳加以介紹......蘋果、西瓜仔、菠蘿、榴槤、香蕉、小熙琳最喜歡的蕃茄、罐頭.....小熙琳都很樂意聽熙琳爸的解說，有時都會興奮得笑起來。其間熙琳爸都唔知係咪有心整古，竟然捉起小熙琳的小手去摸榴槤，小熙琳緊係會樂意去摸摸，但一摸之下即縮，接著再捉她的小手摸榴槤時，竟然合實權頭仔不摸。

手機小片段

即興用手機拍下的小片段，拍的質素麻麻地、方向又調轉了，想睇的話就要側側頭啦!

1) 第一次玩滑梯

2) 努力推車

不能停下來的小熙琳

現在的小熙琳，自己扶住床欄都可行到幾步，如果唔扶嘢自己企係到的話，由初初的幾秒鐘到現在都有廿幾三十秒鐘，我諗都算係有進步了。現在，去洗白白時，她懂得自己推櫈仔入廁所，給我們坐定定替她洗白白。現在的她比較鐘意扶住物件行路，多過爬牛牛。



1) 扶床欄行路的小熙琳

2)推櫈仔洗白白的小熙琳

3) 琴上琴落的小熙琳

4) 手多多的小熙琳

十個月大的小熙琳

今天是小熙琳十個月大的第一天，時間過得真快，還有兩個月，便一歲了。仍然只得兩隻牙仔的小熙琳十分活潑好動，沒有停下來的一刻，喜歡攪東攪西，四圍摸，睇少眼都唔得。現在的小熙琳很識嘢，時常一隻手指，指住門口要去街街，又識會指住bb車，唔出去便大叫，直至出了門口才罷休，只在走廊行個圈都會開心得手舞足蹈。小熙琳真的生得很高大，現在買衫比佢都要買大一個碼才可，因為十個月大的小熙琳著18 months的衫，都只係剛剛好，要買24 months才有鬆。還有，要買靚衫給小熙琳的朋友們，記得要醒目些啦!

3/5/2008 的小熙琳，比起今天的她，真的高了不少啊!


上星期，到了表哥家中玩耍，第一次玩滑梯的她，竟然那麼大胆，當我們 扶她滑下後，她竟然自動反轉身爬上去，原全不知驚，只有身旁的大人們替她緊張，趕緊扶住她。