超高難度

因為想遲些帶小熙琳回湯坑，看看我亞嫲，即係小熙琳的太婆，亞嫲年紀大了，唔係見得幾多次，所以要替小熙琳申辦特區護照、回鄉咭，首先要影証件相。昨天，帶小熙琳到快圖美影相，一個bb要影這些正經的証件相，真係超高難度，她原全不受控制，又怕她會跌下，要蹲下來扶住他，又要引她望鏡頭，小熙琳一時手舞足蹈、一時搖身搖細、一時大叫、一時身體轉左轉右、一係斬左眼、一係冇望鏡頭，影了很久很久，應該都有半小時以上，影了十幾廿張相，才勉強選了以下的一張相片，不過都有小小唔正面，希望ok，不用再影過啦！不過都好多謝快圖美的姐姐很耐心的替小熙琳影相。