「國慶銀花耀屯門」

第一次在屯門有煙火匯演，而且在屋企留下，當然要帶熙琳去八掛吓，約同婆婆一齊去，我們7:50分到達，因為我們並沒有觀賞區入場劵，我們只能在沒有門劵的位置下觀看，不過我們都可以企在前排，當然沒有觀賞區的位置咁正，真的......真的很多人，我見附近有些人手持觀賞區入場劵，也不能到佢所屬的觀賞區，可能他們遲得濟，所有道路都被沒有入場劵的人佔住了，跟本不能前進。

煙火匯演準時八時開始，初初熙琳都眼定定，奇怪點解咁多五顏六色的星星再動，後來可能因為有些呯! 呯! 聲，熙琳 「瀑」埋唔睇，我和婆婆不斷向她說：「妳睇吓幾靚 ..... 好多星星......」熙琳漸漸也投入了，她還會拍手說好靚。

平時有海風的海濱公園，好涼爽、很舒服，但今天一滴風都冇，好彩帶了熙琳把扇扇，熙琳就嘆有專人抱住，又有專人撥涼，不過睇完又要慢慢迫番出去，我們送婆婆到車站才回家。

因熙琳唔肯落地行要抱抱，加上天氣又熱，攪到我勁出汗全身都濕晒，我隻老鼠仔都大隻咗，回家後，告知姐姐我們剛睇完煙花，但姐姐告知我她係屋企都睇到，無論從房的窗、廳的窗，又或是從廚房，都能看得好清楚，寶寶仲給煙花的聲嚇親，姐姐話好正完全無遮擋，早知唔駛同人迫，又熱兼且又比人遮住睇唔晒整個煙花，真係笨啦! 原來我們係可以係屋企嘆住冷氣舒舒服服咁睇煙花。

姐姐問熙琳：「Very nice?」熙琳都識得答番佢：「nice」

P.S. 20-9-2009早上，我帶熙琳落去玩時，她指住昨晚睇煙花的位置，同我講：「好靚呀.....冇洛...」